TEKS RAGAM BASA LAN BASA RINENGGA

 

PERTEMUAN 5

A.     KOMPETENSI DASAR

3.1  Mengidentifikasi struktur dan unsur kebahasaan dalam teks sesuai ragam bahasa dan gaya berbahasa (basa rinengga/lalonget)

4.1  Menulis berbagai bentuk kalimat dengan menggunakan ragam bahasa dan gaya berbahasa (basa rinengga/lalonget)

 

B.     TUJUAN

Setelah membaca teks cerita pendek, siswa diharapkan dapat

1.      mengidentifikasi berbagai jenis ragam bahasa dalam teks.

 

C.      MATERI

Basa Jawa iku salah sijine alat  komunikasi lisan lan tulis, kang digunakake wong Jawa ing pasrawungan saben dinane, ora gumantung ana ngendi wong Jawa mau manggon. Nalika guneman ing pasrawungan, basa Jawa kang digunakake iku miturut wong kang diajak guneman. Nalika guneman marang wong tuwa, basane beda yen guneman marang sapada utawa marang wong kang luwih enom.

RAGAM BASA

Ragam  basa  gegayutan  karo  basa  mau  apa,  kepriye,  sapa,  kapan,  lan  ana ngendi  basa  mau  digunakake  manut  keperluane.  Mula  ragam  basa  kuwi bisa kapilah-pilah  manut  dhaerah  utawa  wilayahe,  situasine,  lan  panganggone.  Ragam basa Jawa, yen dideleng saka wilayahe diarani  dhialek,  tuladhane ing Jawa  Timur,  ana  dhialek,  Surabayan,  Malangan,  Bojonegoroan,  lan sapanunggalane.  Yen  dideleng  saka  kahanane  bisa  kapilah  basa  formal  lan informal.

Dideleng  saka  panganggone,  kapilah  maneh  manut  kanggone  lan  sapa  sing nganggo.  Manut kanggone  awujud  basa  lisan  lan  basa  tulis.  Basa  lisan digunakake  kanggo  sarana  komunikasi  lisan  ing  pasrawungan  saben  dinane. Basa  tulis  saliyane  kanggo  komunikasi  kanthi  tulis,  uga  ngandharake  idhe, panemu, gagasan, lan pamikiran rupa gancaran utawa karya sastra. Dideleng saka  sapa  sing  nganggo,  ragam  basa  gumantung  marang  tataran pendhidhikan,  pakaryan,  lan  lingkungan  minangka    titikane  saka  undha-usuk ing basa Jawa. Pranatane undha-usuk basa Jawa  uga diarani  unggah-ungguh basa.

Babagan unggah-ungguh basa, wes disinaoni ing bab kepungkur. Nanging ora salah menawa saik dieling-eling lan disinaoni maneh.

 

Ragam basa Jawa kaperang dadi loro, yaiku basa ngoko lan basa krama. Basa ngoko kaperang maneh dadi loro: ngoko lugu lan ngoko alus. Basa krama uga kaperang dadi loro: krama lugu lan krama alus.

1.      Ngoko Lugu

Ngoko lugu wujude kabeh tetembungane migunakake tembung ngoko. Ngoko lugu digunakake kanggo omong-omongan antarane wong sing wis kekancan akrab lan wong tua marang anake.

Tuladha:

a.       Kowe mengko ana ngomah apa ora?

b.      Amir ora mlebu sekolah jalaran lara weteng.

c.       Kowe sida melu bapak menyang Sala apa ora Le?

 

2.      Ngoko Alus

Ngoko alus wujude tembung-tembung ngoko kang kacampuran tembung krama kanggo ngajeni wong sing diajak guneman/omongan. Ngoko alus biasane digunakake kanggo omong-omongan antarane wong tuwa kang wis akrab nanging isih padha ngajeni, wong tuwa marang wong nom sing diajeni, lan kanggo ngomongake wong sing diajeni.

Tuladha:

a.       Pak Parna saiki wis rawuh apa durung?

b.      Panjenengan arep tindak menyang Gunungkidul dina apa?

c.       Mas Parja arep siram saiki apa mengko?

 

3.      Krama Lugu

Krama lugu wujude kabeh tetembungane nganggo tembung krama nanging wuwuhane isih migunakake wuwuhan basa ngoko. Krama lugu biyasane digunakake dening bakul ing pasar menawa omong-omongan karo wong kang arep tuku.

Tuladha:

a.       Sampeyan mundhute sayur ingkang pundi?

b.      Mangke kula betakake dhateng daleme panjenengan.

c.       Kopine sampun diunjuk eyang kakung.

 

4.      Krama Alus

Krama alus wujude kabeh tetembungane krama kabeh. Krama alus digunakake kanggo wong nom menawa matur marang wong tuwa, anak buah marang pimpinan, lan wong sing durung kenal.

Tuladha:

a.       Mangga pinarak, panjenengan sampun dipuntengga bapak.

b.      Menawi sampun dados tugasipun saged dipunkempalaken.

c.       Bapak lan ibu sampun tindak dhateng Jogja kala wingi.

d.      Pak, kula badhe nyuwun arta kangge tumbas buku basa Jawi.

GLADHEN 

Sawise nyemak  andharan ing  dhuwur,  goleko tembung ngoko lan tembung krama paling sethithik loro-loro banjur gawenen ukara lang isekna ing tabel iki!

NO.	JINISE TEMBUNG	TULADHANE UKARA
1.	Ngoko Lugu
	a.       ….
	b.      …..
2.	Ngoko Alus
	a.       ….
	b.      …..
3.	Krama Lugu
	a.       ….
	b.      …..
4.	Krama Alus
	a.       ….
	b.      …..

 Gladhen ing dhuwur dikerjakne ing buku tugas, banjur difoto lan dikirim ing link ngisor iki.