TEKS IKLAN/REKLAME

                                     

PERTEMUAN 11

A.     KOMPETENSI DASAR

3.1  Memahami   struktur  teks,  unsur kebahasaan  dalam  menulis berbagai  jenis  surat,  iklan,  dan reklame sesuai konteks

4.1  Menulis  berbagai  jenis  surat, iklan, dan reklame sesuai dengan kaidah dan konteks

 

B.     TUJUAN

Setelah membaca teks cerita pendek, siswa diharapkan dapat

1.      Mengidentifikasi  berbagai  jenis iklan/reklame dengan tepat.

2.      Mengidentifikasi  struktur  teks iklan/reklame dengan tanggung jawb.

 

C.      MATERI

TEKS IKLAN/REKLAME

Iklan  utawa  pariwara  yaiku  tulisan  (bisa  dikantheni  gambar  utawa swara)  kang  nawakake  barang,  jasa  utawa  ajak-ajak.  Nawakake  tegese ngandhakake  barang  kang  arep  didol,  kaluwihane  apa,  lan   panganggone (cara nggunakake) kepriye. Dene ajak-ajak karepe ngajak supaya wong sing maca  utawa  krungu  gelem  nganggo  kanthi  cara  tuku  barang  kang ditawakake.

Iklan  sing  apik  kudu bisa  narik  kawigatene  calon  pelanggan kanthi maca/krungu,  mulane  basane  kudu  pas  utawa  trep.  Ukara iklan kudu ringkes, cetha,  lan  narik  kawigaten.  Basane  narik  kawigaten, tetembungane bisa cumenthel ing pikirane kang maca supaya ora gampang lali banjur yen sawayah-wayah butuh barang kaya kang ditawakake enggal kelingan banjur tuku barang mau.

 

JINIS IKLAN

1.      Miturut ancas utawa tujuane, iklan dibedakake dadi:

a.       Iklan Komersial

 komersial mengku tujuan kanggo nawakake sawijine prodhuk  barang lan jasa. Lire ndayani masyarakat minangka pangsa pasar supaya ketarik, rumangsa butuh, lan wusanane gelem tuku utawa nggunakake barang lan jasa sing ditawakake.

Tuladhane:    iklan  kang  isine  nawakake  panganan,  obat,  klambi,  lan sapanunggalane.

b.      Iklan Layanan Masyarakat

Iklan layanan masyarakat minangka perangan saka kampanye sosial kang tujuane  adol  gagasan  kanggo  kepentingan  sosial  lan  pelayanan  tumrap masyarakat.  Biasane  arupa  ajakan,  pranyatan,  utawa  himbauan  marang masyarakat  kanggo  nindakake  utawa  nyegah  sawijining  pakarti  kanggo kepentingan umum.

Tuladha  iklan  layanan  masyarakat,  umpamane:  ajakan  supaya  ora mbuwang  larahan  sembarangan,  milah  larahan  miturut  jinie,  nyegah perkawinan dini, milih kontestan tartamtu samangsa dianakake pemilihan,  lan sapanunggalane.

2.      Miturut fungsine iklan dibedakake dadi 3 golongan, yaiku:

a.       Iklan Informatif

Iklan informatif nduweni ciri-ciri kaya ing ngisor iki :

v  Duwe  pamrih  kanggo  nyiptakake  kesadharan,  menehi  informasi,  lan ngenalake prodhuk anyar  utawa njelasake keunggulan prodhuk sing wis ana.

v  Menehi  informasi  manawa  dumadi  owah-owahan  rega,  kemasan  utawa owah-owahan liyane tumrap prodhuk sing wis ana.

v  Njelasake tata rakit sawijine prodhuk  barang utawa jasa.

v  Ngurangi rasa  was  sumelang  tumrap  konsumen  samangsa  dumadi perubahan tumrap prodhuk tinamtu. Mesthine  kabeh  mau  kanthi  tujuan  supaya  konsumen  ora  banjur  pindhah marang prodhuk liyane.

b.      Iklan Persuasif

Iklan persuasif nduweni ciri kaya ing ngisor iki:

v  Tujuane  kanggo  narik  kawigaten  lan  ndayani  konsumen  supaya ketarik marang prodhuk sing diiklanake.

v  Ngowahi persepsi konsumen,  saengga sing  maune ora kenal malih kenal,  sing  maune  ora  ketarik  malih  ketarik,  sing  maune  anti  pati malih dadi ketagihan

v  Ndayani  marang  konsumen  sing  pancen  wis  ketarik  enggal  tuku barang sing diiklanake.

c.       Iklan Reminder

Iklan reminder nduweni ciri-ciri:

v  Tujuane  kanggo  nggiring  konsumen  supaya  enggal  tuku  prodhuksing diiklanake.

v  Ngelingake  konsumen  manawa  sawijine  wektu  bakal  mbutuhake banget marang prodhuk sing diiklanake.

v  Ngelingake  konsumen  ing  ngendi  bisa  tuku/golek  barang  sing dibutuhake.

v  Ngrangkul konsumen supaya tansah setya dadi konsumen  prodhuk sing diiklanake.

3.      Miturut medhia kang digunakake kanggo masang iklan, dibedakake dadi loro (2), yaiku Iklan above the line  lan Iklan below the line.

a.       Iklan  above  the  line  yaiku  iklan  kang  migunakake  medhia  massa. Maksude khalayak sasaran kang diancas jumlahe gedhe kanthi isi lan pesan  kang  kanggo  wong  akeh  (serempak).  Medhia  kang  kalebu kategori iki yaiku surat kabar, majalah, tabloid, televisi, film, radhio, dan internet.

b.      Iklan below the line iku iklan kang migunakake medhia khusus. Kang kalebu  iklan  jinis  iki  yaiku:  leaflet,  poster,  spandhuk,  baliho, lan sapanunggalane.

 

STRUKTUR TEKS IKLAN/REKLAME.

Struktur  teks  kang  awujud:  headline,  subheadline,  amplifikasi,

tagline lan productshot.

1.      Headline, yaiku perangan iklan kang pancen sengaja ditonjolake. Pamrihe supaya iklan narik kawigaten para pamiarsa minangka punjer utawa intine iklan. Ora kudu manggon ana ing awal tulisan, nanging sing baku dadi titik awal utawa kang sepisanan dikenali dening pamiarsane.

2.      Subheadline, yaiku perangan iklan kang nerangake pokok-pokok iklan sing dianggep  wigati.  Lumrahe    nerangake  ngenani  keunggulan  prodhukbarang utawa jasa sing diiklanake.

3.       Amplifikasi,  yaiku  naskah  utawa  teks  iklan  kang  ngiringi  headline.  Kerep diarani  bodicopy  utawa  bodi  teks.  Perangan  iki  mengku  karep  menehi katrangan luwih rinci.

4.      Tagline,  yaiku  slogan  utawa  basa  rinengga  kang  wujud  ukara  cekak  aos kang nuduhake spirit, kualitas, lan keunggulan prodhuk.

5.      Productshot, yaiku gambar utawa brand sing ditawakake.

 

            Iklan  sing  apik  kudu  bisa  ditampa  masyarakat  lan  salaras  karo kearifan  lokal.  Supaya  ditampa  masyarakat,  mula  kudu  netepi  limang prakara.

1.      Atention  (perhatian),  tegese  iklan  sing  apik  kudu  bisa  narik kawigatene  masyarakat.  Mula  saka  iku,  iklan  mbutuhake  dhesain mirunggan, wiwit ukuran, rupa/warna, panggonan, jinis tulisan, lan swaraswara tartamtu jumbuh karo medhia sing digunakake.

2.      Interest  (menarik),  lire  iklan  kudu  bisa  agawe  kesengsem  tumrap konsumen  kang  tundhone  kepengin  nduweni.  Kanggo  iku  iklan  kudu  bisa ngundhakake  rasa  kesengseme  konsumen  mau  dadi  rasa  pengin  ngerteni kanthi permati lan enggal tuku barang utawa jasa sing diiklanake.

3.      Desire  (keinginan)  lire  kanthi  maca  iklan  kasebut  bisa  nuwuhake pepinginan konsumen enggal nduweni.

4.      Conviction  (rasa  percaya)  yaiku  nuwuhake  rasa  percaya  diri (sembada) marang konsumen sawise migunakake barang utawa jasa kang diiklanake.

5.      Action (tindakan) tegese nuntun konsumen enggal-enggal nduweni/ migunakake barang lan jasa sing diiklanake.

(buku Siswa Kirtya Basa Kelas VIII)

 

 CONTONE IKLAN